Ang Walang Kamatayang Tanong

Why Toonder and Lightning? You have to be familiar with the story of the late boxer Floyd Patterson, and his Scandinavian foe, Ingemar Johansson. Yes, you guessed correctly, toonder is thunder.

The following post is in the Tagalog language, with some English words thrown in. Kung naiintindihan mo ito, payo ko lang, 'wag mo 'tong masyadong seryosohin.

Evolution ba o intelligent design?
Mas maganda yata kung ganito: "evo" o "ID"? Parang modelo ng kotse na pinagpipilian.

Wala ako sa mood ngayon na i-discuss ang evolution. Actually, palusot ko lang iyan, hindi ko lang talaga siya kabisado. Ang alam ko, associated siya kay Charles Darwin.

Ito namang intelligent design, e sabi ng iba, ito daw e religion lang na nagpapanggap na siyensiya. Creationism na binihisan ng bagong damit.

Eto lang ang masasabi ko sa intelligent design.

Kung tama ang "intelligent design" e di sana, walang taong nakakalbo o nalulugas ang buhok sa ulo? Kasi kahit sinong intelligent designer ay makikita na ang pinakamatibay na buhok na maaring ilagay sa anit ng tao ay yung buhok sa ilong. Wala na yatang kasing tibay, resilient at stubborn ang mga buhok natin sa ilong. Subukan mong bunutin ang buhok mo sa ilong pag di ka naluha sa sakit.

Saka, may nakita ka na bang taong nakalbo ang ilong? Sa halip na malugas, sumosobra pa nga, pag tanda mo at panipis na nang panipis ang buhok ng anit mo, pahaba naman nang pahaba ang buhok mo sa ilong.

Kaya mali ang "intelligent design" theory na iyan.