Ngayon bang ine-endorse na ng Parokya Ni Edgar ang Jollibee, at pinupuri nang husto ang hamburger ng nasabing fastfood brand, e pwede pa ba nilang kantahin ang kanilang klasikong "Pizza Pie"?
Ngayon na namatay na si Michael Jackson (SLN/RIP), ano na ang magiging papel ni Gary Valenciano? Siya pa rin ba ang Michael Jackson of the Philippines? Sabagay, in fairness, ika nga nila, matagal na rin namang hindi nagbibihis Michael Jackson si Gary V., normal na lang ang gupit at pa-T-shirt T-shirt na lang. T-shirt na mahal, syempre, pero simple na lang.
Maraming namatay na artista sa Amerika nitong sanlinggong ito. Kamamatay lang nina MJ at FF (Farrah Fawcett), e namatay naman si Karl Malden, isa sa mga magagaling na character actor ng mga 50's-60's movies.
Gaya nga ng tanong ng isang kolumnista sa isang diyaryo, bakit ang mga artista (artists collectively, hindi lang mga 'aktor') pa na may naidudulot namang mabuti ang namamatay? Ba't hindi na lang mga politikong pulpol at kawatan?
Subscribe to:
Post Comments (Atom)
No comments:
Post a Comment