The Shorties

“Sayang”
Ano kaya ang iniisip ni Claire dela Fuente ngayon? Ang kanyang iconic na kanta, yung “Sayang” e may airtime na naman, pero hindi siya ang kumakanta? Bagkus e isang lalaking singer. Isang lalaking singer na mas matinis pa ang boses kaysa kanya, at mas maarte pang kumanta kaysa kanya. Kung sa Capampangan na natutunan ko mula pagkabata, ang tawag namin sa ganyang pagkanta e "magege". Sa kontemporaryong Tagalog, makulot. Hindi ko gusto ang makulot na pagkanta, kaya nga hindi ko naging paborito si Mariah Carey.

At lalung-lalo na pag lalaki ang kumakanta. Give me the original Claire version anytime.

“Pulboron”
Polvoron, polboron, pulboron, pulburun.
Alam natin kung ano yan. Kahit sa aling lengguaheng alam ko.

Ang tanong: kung hindi naimbento ang powdered milk, o ang tinatawang na dry milk ng mga British, magkakaroon kaya ng polboron? Imadyin? E kung di nagkaroon ng kondensada? Ng ebaporada? Ilang pagkaing/kananing Pinoy ang hindi susulpot sa mundo?

“Babae”
Maaaring alam na ito ng marami, pero kung sakaling hindi e sasabihin ko na: hindi lahat ng lamok ay nangangagat at sumusipsip ng dugo. Sa katunayan, ang mga lalaking lamok ay sumisimsim lang ng nectar ng bulaklak (mas may dating iyan pag in-Inglis mo, hahaha). Ang mga babaeng lamok lamang ang nangangagat at sumispsip ng dugo.

I know most men would insist it’s not just female mosquitoes that suck the blood from them. He he he he he! Pati yung mga babaeng...

Linta! Akala mo ano na, ano? Actually, sa linta, wala naman yatang pagkakaiba sa gender, pareho lamang maninipsip ng dugo.

Meron pa ba? Palagay ko hanggang doon na lang sa linta. Pag naman may garapata ka pa, wala ka na talaga.